5500 të prekur nga kanceri në vit, ministrja Manastirliu: Jemi në nivelet e Europës

Në studion e emisionit “Top Talk” me gazetarin Denis Dyrnjaja, ministrja e Shëndetësisë, Ogerta Manastirliu bëri të ditur se në vendin tonë preken nga kanceri rreth 5500 raste në vit, një shifër normale edhe për vendet evropiane.

“5500 raste në vit që preken nga tumoret. Jemi në profilin e vendeve të rajonit dhe Evropës. Më të përhapurit janë kanceri i mushkërisë dhe ai i gjirit. Rëndësi ka diagnostikimi i hershëm dhe parandalimi. Programi i kontrollit mjekësor bazë për grupmoshën 35-70 vjeç është një ndër programet më të mira për të parandaluar sëmundjet dhe për t’i identifikuar ato”, tha ministrja e Shëndetësisë.