5 persona të dyshuar me koronavirusin e ri në Shqipëri pas analizave të kryera në Institutin e Shëndetit Publik kanë rezultuar negative.
Kjo bëhet e ditur nga Ministria e Shëndetësisë pasi mesditën e të premtes mjekët e spitalit “Shefqet Ndroqi” në Tiranë dyshuan për tre persona të prekur me Covid 19.
Ata paraqsinin simptoma të ngjashmë me ato të koronavirusit të ri dhe kishin histori udhëtimi në vendet më përhapje të tij.
Mjekët e spitalit “Shefqet Ndroqi” i dërguan në shërbimin Infektiv në Qendrën Spitalore “Nënë Tereza” dhe nisën dezinfektimin e pavioneve të ish sanatoriumit.
Në mbledhjen e Task-Forcës ministrja e Shëndetësisë tregoi se 1.2 milion maska kirurgjikale shtesë kanë nisur të shpërndahen në qendra shëndetësore dhe spitale.
“Shqipëria nuk mund të jetë imune ndaj një rreziku evident siç është koronavirusi. Janë shpërndarë 1.3 milion maska dhe janë dhënë fondet e nevojshme”, u shpreh ministrja e Shëndetësisë, Ogerta Manastirliu.
