Ish-presidenti malazez u dënua sot me 22 muaj burg për korrupsion pasi pranoi fajin.
Svetozar Maroviç, i cili ishte president i Malit të Zi i versionit të fundit të ish-Jugosllavisë (Mali i Zi dhe Serbia) do të kalojë 22 muaj në burg si edhe do të kthejë shumën 1,1 milionë euro që ai i përfitoi nëpërmjet marrëveshjeve ilegale të ndërtimit përgjatë bregdetit Adriatik të vendit më të vogël ballkanik.
Pavarësisht korrupsionit të përhapur gjerësisht, dënimi i Maroviçit, 62 vjeç, përbën një ngjarje të rrallë në ish-Jugosllavi. Edhe ish-kryeministri kroat, Ivo Sanader, u dënua me 10 vite burg për korrupsion, por u lirua pasi po rigjykohet.
