Një denoncim i rëndë është bërë nga një 20-vjeçare shkodrane për ish-punonjësin e policisë, Bajram Qarri. E reja, i është drejtuar ish-kryeministrit Berisha për të bërë denoncimin pasi sipas saj Qarri ka lajmëruar kolegët ta nxjerrin jashtë nga komisariati. Sipas 20-vjeçares, Bajram Qarri e përndjek dhe i dërgon foto nudo.
Postimi i plotë i Sali Berishës dhe denoncimi i 20-vjeçares:
“Shikoni si e mbrojnë cubin siçilist, që dërgon foto lakuriq në Facebook-un e një vajze, narko-horrat me uniformë të Edvinit!
Lexoni mesazhin shikoni fotot që dërgon qytetarja dixhitale. sb
“Mirëdita zoti Doktor, unë që po të shkruaj jam një vajzë nga Shkodra, 20 vjeçe. Dua të denoncoj një shtetas me emrin Bajram Qarri i cili më ka ngacmuar dhe ndjekur rregullisht nëpër Shkodër. Arriti të më gjejë dhe Facebook-un dhe të më dërgojë foto nudo të tijat. Unë me ti marrë këto foto vajta ta denoncoja tek komisariati i policisë Shkodër, në momentin që hyra tek porta kërkova një punonjës policie për të bërë kallëzimin, pasi e njoftuan një oficer policie dhe mora kontakt me të duke i treguar për shqetësimin që kisha, por në moment sa mori vesh për rastin dhe personin që bëhej fjalë, hasa në një menefregizëm dhe neglizhencë sa arriti oficeri i policisë të më thotë ‘mos bëj kallëzim sepse je vajzë e re dhe do të dalë emri në televizor e është turp. Unë u largova nga policia dhe tani po të shkruaj ty sepse personi që bëhet fjalë, shtetasi Bajram Qarri është një ish-punonjës policie i cili gëzon statusin e ushtarakut nga taksapaguesit, ishte ky person që lajmëroi ish-kolegët e vet që të më nxirrnin jashtë nga komisariati, ky person vazhdon të më bëjë presion pasi thotë që ‘unë jam njeri i shtetit dhe i qeverisë në pushtet, i Partisë Socialiste dhe kam forcë të të bëj çdo gjë, zoti Berisha unë po t’i dërgoj ca foto që mi ka dërguar ky ish-polic dhe militant i Partisë Socialiste në Shkodër, ku shihet me drejtues të lartë të PS. Ju faleminderit.”
