Politikë.al sjell dokumentin original i nënshkruar nga, Eduard Selami, një ndër themeluesit e PD
Database www.politike.al sjell sot për herë të parë dokumentin origjinal të kerkesës dhe vendimit për krijimin e Partisë Demokratike. Teksti i kërkesës mban firmen e Eduard Selamit. Bashkë me kërkesën janë depozituar 35 faqe dokumentacion, – programi minimal, statuti dhe lista emërore e 376 nënshkruesve. Kërkesa është bërë më 17 dhjetor 1990 dhe është miratuar nga Ministri i Drejtësisë Enver Halili me 19 dhjetor 1990. Interesant është se në krye të shkresës së PD ende përdoret citimi „Republika Popullore Socialiste e Shqipërisë“ dhe se kërkesa nuk mban emrin e kryetarit të Grupit Organizator Hajdari, por të zotit Selami.
Në vendimin e Ministrisë thuhet se kërkesa e PD është në përputhje me Kushtetutën e RPSSH, e cila në fakt është Kushtetuta komuniste e vitit 1976, e cila në nenin 3 theksonte se “PPSH, pararoja e klasës punëtore, është forca e vetme politike udhëheqëse e shtetit dhe e shoqërisë. Në Republikën Popullore Socialiste të Shqipërisë ideologjia sunduese është marksizëm-leninizmi. Në bazë të parimeve të tij zhvillohet gjithë rendi shoqëror socialist”….gjithësesi, vendimi ligjëron PD-në, e cila është partia e parë antikomuniste dhe themeluese e pluralizmit politik më 1990.
Gjithçka mbi partitë, statutet, programet dhe zgjedhjet në Shqipëri 1991-2016 në ëëë.politike.al realizim i Institutit të Studimeve Politike.
