Varfëria e mjerimi shqiptar dhe propaganda komuniste, në objektivin e gazetarit gjerman Hari Ham
Nga Robert Elsie
Propaganda komuniste në Shqipërinë e varfër dhe “vëllezërit kinezë në Shqipërinë e lumtur socialiste”. Vajzat kineze të plazhet e Shqipërisë, gratë shqiptare të ngarkuara, imazhet e të rinjve shqiptarë që duken si pleq, parullat e Marksit, Engelsit, Leninit e Stalinit dhe sigurisht Enver Hoxha me parullat e tij. Kjo është pamja që të vjen përmes fotografive të gazetarit gjermanoperëndimor Hari Ham në vitin 1961.
Hari Ham shërbeu me forcat gjermane në Luftën e Dytë Botërore dhe u bë rob lufte në Bashkimin Sovjetik (1945-1949). Pas kthimit të tij në Gjermani studioi për shkenca politike në Frankfurt dhe në Monpelie (Montpellier) dhe punoi gazetar për gazetat e njohura Die Welt dhe Frankfurter Allgemeine Zeitung.
Në gusht të vitit 1961 Hami mori një vizë të rrallë për të vizituar Shqipërinë, pikërisht në një kohë rrëmuje të madhe politike. Aty përjetoi ndarjen politike të Shqipërisë me Bashkimin Sovjetik dhe fillimin e aleancës së re me Kinën revolucionare. Fotografitë e këtij koleksioni janë marrë nga libri i tij i mirëinformuar “Rebellen gegen Moskau: Albanien-Pekings Brückenkopf in Europa” (Kryengritës kundër Moskës: Shqipëria-kryeura e Pekinit në Evropë), Këln 1961.
