Një ngajrje e rëndë ka ndodhur së fundi në zonën e Vaut të Dejës, në Shkodër, teksa një vajzë e mitur 12-vjeçare i ka dhënë fund jetës duke u helmuar me fotoksinë.
Viktima është identifikuar si Klevina Ndoka, e cila ishte dhe pjesë e ekipit të futbollit të vajzave në Vaun e Dejës.
Vajza është gjetur në gjendje të rënduar nga ana e prindërve të saj, dhe pavarësisht përpjekjeve të mjekëve ka ndërruar jetë gjatë padites së djeshme në spital.
Mbeten të paqarta shkaqet e kësaj ngjarje vërtetë tronditëse. Në pikëpyetje mbetet dhe mënyra sesi vajza ka arritur të sigurojë fotoksinën dhe më pas të shkojë drejt këtij akti final.
Policia e Shtetit njoftonte dje: Më datë 29.05.2018, në banesë, shtetësia K.N vjeç 12, është vetëhelmuar me fotoksinë e cila ndodhet në spital, në gjendje të rëndë. Materialet i kaluan Prokurorisë pranë Gjykatës së Shkallës Parë Shkodër, për vlerësim. (Vajza ka ndërruar jetë në spital)
