Ka than' i moçmi: 

Njeriu i lig i ngjan thesit të qymyrit: jashtë i zi, brenda akoma më i zi”.

                          -Sami Frashëri

Ditmir, për çfarë e falenderon Kotzias-in? Për gotën e uzos?

Nga 27.al 0

Nga Shpëtim Idrizi

Ministri ynë i jashtëm paska shprehur falenderimet për ministrin e dorëhequr të shtetit grek, Kotzias. Nuk di se për çfarë e falenderon homologun e uzos dhe te Zorbës ministri ynë???

E falenderon për varret e ushtarëve grekë që sot ngrihen në territorin tonë, megjithëse erdhën si pushtues, ndërsa të rënët tanë që u therrën në prag të shtëpisë, ende sot janë shpirtra pa varr?

E falenderon për marrëveshjen e turpshme të toponimeve që heq qytetet e vendlindjes së pleqve tanë nga pasaportat e shtetit shqiptar duke vazhduar kësisoj politikën e diskriminimit ndaj nesh?

E falenderon për marrëveshjen e ujrave, për të cilën Kotzias mburrej se do merrte ujrat tanë duke zgjeruar të vetat nga 6 deri në 12 milje?

E falenderon se mos hoqi Ligjin e Luftës e sot ministri ynë bën sikur harron se po falenderon ministrin e një shteti, me të cilin është zyrtarisht në luftë?

E falenderon se bërtiste që Çështja Çame nuk ekziston e që shqiptarët e Çamërisë ishin bashkëpunëtor me nazizmin?

E falenderon se po punonin bashkë për të hequr tërmin “Çamëri” nga tekstet shkollore shqiptare?

Por Çamëria, duhet ta dini që do jua ngrijë buzëqeshjen në buzë njësoj si Kotzias-it. E drejta e nëpërkëmbur e shpirtrave që humbën jetën dhe të atyre që lanë pas një jetë të tërë e shtëpitë e tyre është haku njerëzor që do ngrijë çdo akt tradhëtie ndaj saj e do na mbajë gjithë jetën tonë përballë armiqve e në krah të miqve.

Ne nuk harrojmë!!!

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej