Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

BE: Britanikët lëvizin pa viza, edhe nëse s’ka marrëveshje për Brexit

Nga Media 0

Ambasadorët e Bashkimit Europian ranë dakord këtë të premte që shtetasve britanikë t’iu mundësohet lëvizje e lirë dhe pa viza në vendet e bllokut, edhe në rastin e një “Brexit”-i pa marrëveshje.

Propozimi i Këshillit Europian do t’iu japë kështu britanikëve qasje të lirë në zonën pa kufij të “Schengen”-it, që përbëhet nga 26 vende europiane, për udhëtime të kufizuara kohore prej maksimumi 90 ditë.

“Duke marrë në konsideratë afërsinë gjeografike, lidhjet mes ekonomive tona, nivelit të shkëmbimit tregtar dhe rastet e lëvizjeve afatshkurtra të personave mes Britanisë dhe vendeve të bllokut për çështje biznesi, për të kaluar kohën e lirë, apo edhe qëllime të tjera, udhëtimi pa viza do të lehtësonte turizmin dhe aktivitetin ekonomik, duke sjellë kësisoj përfitime për unionin”, lexohet në tekstin e hartuar nga shtetet propozuese.

Në një deklaratë shpjeguese për këtë lëvizje, Këshilli Europian tha se rregullat e BE-së theksojnë se përjashtimet nga regjimet e vizave jepen “me kusht reciprocitetin”.

“Qeveria e Mbretërisë së Bashkuar është shprehur se nuk ka ndërmend t’u kërkojë viza qytetarëve të BE-së që udhëtojnë drejt Britanisë për qëndrime afatshkurtra”, thuhet më tej në të.

“Por, në rast se Britania e Madhe do të vendosë vizat për shtetasit e të paktën një shteti anëtar në të ardhmen, mekanizmi ekzistues i reciprocitetit do të aplikohet menjëherë”.

Vendimi për këtë propozim do t’i kalojë tashmë për miratim Parlamentit Europian.

http://top-channel.tv/2019/02/01/be-britaniket-levizin-pa-viza-edhe-nese-ska-marreveshje-per-brexit/?fbclid=IwAR25YyabfjhSPVhv40tfRHh_azwM59inW-fX6A049z5IXgsyw_EJvChEF3s

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej