Kreu i Kuvendit Gramoz Ruçi ka takuar sot 7 eurodeputetët e PE-së që kanë mbërritur prej ditës së djeshme në Shqipëri, ndërsa po diskutojnë lidhur me qëndrimin e opozitës, por edhe integrimin e vendit. Duke qenë se ishte një takim me dyer të mbyllura, zyra e shtypit e kreut të Kuvendit ishte kujdesur për të zbardhur takimin, mirëpo fjalët e eurodeputetëve u fshinë brenda minutash.
Në njoftimin fillestar që ishte shpërndarë për gazetarët thuhej se Fleckenstein kishte deklaruar se po humbiste durimin me deputetët e opozitës, si dhe akuzonte Kryemadhin se Zonja e parë nuk mund të pengonte integrimin e vendit.
Mirëpo në mënyrë të dyshimtë ky mesazh u fshi nga grupi në whatsapp me gazetarët dhe u zëvendësua vetëm me fjalët e Ruçit. Nuk dihet nëse te Kuvendi fjalët e Fleckenstain janë shpikur, dhe mediat ranë pre e një lajmi të rremë, apo zyra e shtypit u kujtua me vonesë që s’mund të flaës në emër të eurodeputetëve.
Sipas zyrës së shtupit, Ruçi është shprehur
Reforma në drejtësi po ecën me shumë sukses. Vettingu, jetik për drejtësinë dhe Shqipërinë, në qershor, organet e reja të sistemit në funksion të plotë. Reforma ka mbështetjen e 99% të shqiptarëve. Reforma elektorale, paketa e depozituar në Kuvend. parlamenti legjitim sepse vjen nga zgjedhje të ndershme, zgjedhjet e 2017 të certifikuara nga 100% e numuruesve të opozitës. Zgjedhjet kanë probleme, por ato zgjidhen në Kuvend. Kuvendi në dispozicion të opozitës, opozita gëzon të drejta që unë si opozitar nuk i ëndërroja. Basha ka folur dy orë më shumë se Kryeministri, opozita ka folur tre orë më shumë se maxhoranca.
Çfarë u fshi nga zyra e shtypit të Kuvendit:
Thuhej se Kelam kishte deklaruar: PE mbetet mbështetës i madh i anëtarësimit të Shqipërisë. Përpjekjet për të vonuar celjen e negociatave nuk kanë mbështetjen tone. Reforma në drejtësi, thelbësore për qeverisjen dhe besimin e qytetarëve. Po ikim me përshtypje pozitive për arritjet tuaja. Negative, ndarja politike dhe mungesa e bashkëpunimit, është përgjegjësia e të gjithëve ju të bashkëpunoni për interesin kombëtar. Arrini konsensus dhe na dërgoni një sinjal pozitiv për negociatat
Mesazhi i supozuar i Fleckenstain: Po humbas durimin nga qëndrimi i deputetëve të opozitës, protestat të ruajnë qetësinë, pamjet e protestave vonojnë integrimin. I bëj thirrje Këshillit Europian të vlerësojë arritjet e Shqipërisë. Zonja e parë e vendit nuk duhet të pengojë negociatat, kam vëzhguar zgjedhjet e 2017 dhe ishin korrekt, në 5 mars informojmë PE për arritjet tuaja.
