Më datën 4 të muajit mars, Zvicra do të shpallë fituesin e festivalit që do të përfaqësojë vendin në “Eurovision”.
Emri më i lakuar për të fituar është ai i shqiptarit Gjon Muharremaj i lindur në Zvicër, i njohur nga të gjithë si Gjon’s Tears shkruan wiwiblogs. Fansat po mbështesin në rrjete sociale këngën e tij “Repondez-moi” dhe janë të bindur se Gjoni do ta përfaqësojë vendin në “Eurovision”.
Fillimisht, Gjoni e bëri për vete publikun shqiptar me pjesëmarrjen në “Albanian’s got talent” kur ishte në moshë të vogël. Ndërsa më vonë mahniti Francën me zërin e tij në “The voice of France”. Shpresojmë shumë që artisti shqiptar t’i bashkohet këtë vit Arilena Arës në “Eurovision”, që këtë vit do të mbahet në Rotterdam.
