Një sasi prej 1.3 ton kanabis sativa u sekuestrua gjatë mbrëmjes së djeshme në Zvërnec. Policia bën me dije se ra në gjurmët e drogës pasi pikasi dy automjete dhe një mjet lundrues në aksin rrugor Triport-Zvërnec.
Forcat blu menjeherë janë vënë në ndjekje të automjeteve, por gjatë ndjekjes personat kanë braktisur mjetet dhe janë larguar.
Gjatë kontrollit të ushtruar në mjetin tip Furgon me targë AA 822 DE, u gjet lënda narkotike, e cila ishte e ndarë në 52 paketime me mbështjellje plastike dhe 10 çanta sportive. Lënda narkotike do të trafikohej me gomone në drejtim të Italisë.
Vijojnë hetimet dhe po punohet për identifikimin dhe kapjen e autorëve me qëllim vendosjen e tyre para përgjegjësisë penale
