Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Zoti Kryeministër hiqe traun e Kalimashit!!!

Nga 27.al 0

Nga Bislim Ahmetaj

Një nga masat lehtësuese të domosdoshme dhe të menjëhershme që duhet të marrë qeveria shqiptare qysh në ditën e parë të hapjes së kufijve është heqja e taksës në Rrugës e Kombit.

Kjo masë ndihmon në mënyrë të drejtpërdrejtë operatorët turistikë në bregdetin shqiptarë nga Velipoja në Ksamil.
Kjo masë inkurajon dhe rrit numrin e pushuesve nga Kosova dhe Maqedonia e Veriut, të cilët këtë sezon turistik “pandemik” do të përbëjnë shumicën e pushuesve “të huaj”.
Dihet prej kujtdo se çfarë programimi bëjnë turistët perëndimor, shumica absolute e të cilëve i kanë anulluar të gjitha agjendat e këtij viti.
Pra, numri i pushuesve nga vendet e tjera do të jetë një pikë ujë në Adriatik dhe Jon.
Këtë duhet ta kërkojnë me ngulm shoqatat e operatorëve turistikë, ato të transportit të mallrave, Dhomat e Tregëtisë dhe Industrisë të tri vendeve Shqipërisë, Kosovës dhe Maqedonisë Lindore.
Heqja e kësaj tarife qoftë edhe vetëm për këtë sezon turistik, përveçse do të ketë impakt të shpejtë në ekonominë tonë të shërbimeve do të ishte edhe një gjest patriotik, moral, një ndjesë ndaj shqiptarëve.
Ti e ke treguar me vepra që s’ke asnjë ndjenjë patriotike aq më pak moral, po bëje të paktën për pragmatizëm politik.
Të garantoj që do të mirëkuptojnë edhe Çeti i “Kastratit” edhe Pllumbi i “Salillarit”.
Hiqe traun e Kalimashit që të vërshoj turizmi patriotik në këtë periudhë dramatike për ekonominë e rrënuar shqiptare.
Mos i merr leje as Vuçiçit, as Soros-it, bile mos i trego as Lulit.
Bëje krye në veti, njëlloj si ato vendimet e orës 9 të darkës, kur thua “ta bëjmë edhe këtë fundjavë izolim”.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej