Presidenti i Ukrainës, Volodomyr Zelenskiy, ka njoftuar se do të shkëputet nga takimet dhe për një periudhë, pasi bashkëshortja e tij ka rezultuar pozitiv me COVID-19.
Zyra e presidentit ka bërë me dije se ai do të anulojë të gjitha takimet, udhëtimet dhe do të evitojë kontaktin me ekipin e tij të afërt.
Sakaq, bashkëshortjan e tij Olena Zelenska, ka konfirmuar se ka rezultuar pozitive me Covid-19 përmes një postimi në ‘Facebook’, ndërsa presidenti negativ.
Ajo ka theksuar se ky lajm e ka gjetur në befasi.
“Sot, unë pranova rezultatin pozitiv të testit për koronavirus. Lajm i papritur, sidomos duke konsideruar se familja ime dhe unë kemi zbatuar të gjitha rregullat”, u shpreh Zelenska.
Kujtojmë që në Ukrainë se numri total i rasteve me koronavirus në vend është 29,753 duke përfshirë 870 viktima.
