Zjarri në Dropull po merr përmasa shumë të mëdha duke dalë jashtë kontrollit. Në vendngjarje janë 40 forca zjarrfikëse dhe efektiva nga Bashkia e Dropullit.
Shefi i zjarrfikësve të Dropullit, Alqi Kosta, është shprehur se ka kërkuar ndihmë nga zjarrfikësit e Libohovës dhe Gjirokastrës. Ndërkaq kryetari i Bashkisë së Dropullit, Dhimitër Toli, ka kërkuar me urgjencë nga Emergjencat Civile në Tiranë, helikopter për shuarjen e zjarrit të stërmadh pasi është e pamundur të ndërhyhet nga toka.
Deri më tani janë djegur 5 ha pyll drurë të rrallë të llojit Prall dhe 10 hektarë kullota.
