Shoqata e zjarrfikësve ka dalë sot në protestë para Kuvendit. Ata kërkojnë që qeveria të kthejë vëmendjen nga ta dhe t’iu respektojë profesionin, pasi po nënvlerësohen. Konkretisht, njeri prej tyre ka thënë se nuk paguhen mjaftueshëm dhe nuk iu jepen pushime për festa zyrtare.
Ndër të tjera ai ka thënë se punojnë në kushte shumë të vështira, me pajisje të dëmtuara dhe shpesh herë iu mungojnë dhe pajisjet e veçanta. Sakaq, më problematik ai tha se është fakti që nuk iu paguhen orët e natës.
“Protestojmë për të drejtat tona, për orët e natës. Nga ministria u krijua një grup pune për ngritje rroge. Kërkojmë të drejtat tona. kërkojmë që të zbatohet ligji. Na takojnë orët e natës, vështirësia, orët shtesë. Na janë hequr orët e natës, nuk i marrim fare. Nuk marrim as pushime festash, apo të paguajmë. Këtë nuk na e paguajmë. 490 mijë leke marrin ”, u shpreh Ylli Hoxha, kreu i sindikatës së zjarrfikësve të Elbasanit. Ata thanë se do t’i vazhdojnë protestat derisa të marrin një përgjigje nga qeveria, pasi po iu cenohen të drejtat.
