Gjykata e Tiranës ka vendosur masën “arrest me burg” për 2 vite dhe heqje të patentës për Arben Memën i cili në 25 prill të vitit të kaluar hyri me makinë mes përmes sheshit “Skënderbej” duke rrezikuar jetën e dhjetëra qytetarëve.
Kujtojmë se, incidenti i ndodhur në ditën e zgjedhjeve të përgjithshme, mund të kishte përfunduar në mënyrë fatale nëse një person nuk do ndërhynte duke neutralizuar në kohë Memën dhe i shpëtuar jetën qytetarëve.
Asokohe shoferi tha se nuk kishte qenë i përgjegjshëm për veprimet e tij, ndërsa pas hetimeve të “Antiterrorit” rezultoi se ai ishte nën efektin e drogës.
