Adriatiku është prekur nga vala e zjarreve që po djegin jo pak pyje ne shtete të ndryshme.
Mali i Zi ka apeluar për ndihmë ndërkombëtare ndërsa në Kroaci flakët kanë mbërritur deri në Split.
Kjo prani e zjarreve të shumta ka berë që dhjetëra turistë dhe rezidentë të largohen nga brigjet e Adriatikut.
Mali i Zi ka bërë apel për ndihmë ndërkombëtare për shkak të zjarreve në pyje, ndërsa në Kroaci zjarrfikësit po luftojnë me flakët të cilat tashmë kanë arritur në qytetin e Split.
Si pasojë e kërcënimit nga zjarret një qendër tregtare është evakuuar në qytetin e Split, ndërkohë që ministrat e qeverisë janë nisur për të zhvilluar një mbledhje emergjente në këtë qytet.
Presidentja Kolinda Grabar Kitarevic, ndërpreu vizitën e saj në Austri për shkak të situatës së zjarreve, të cilën erërat e fuqishme dhe temperaturat e larta e kanë përkeqësuar akoma edhe më shumë situatën.
Zjarret u fuqizuan edhe më shumë nga një stuhi në orët e vona të të hënës, duke bërë që disa zona periferike të qytetit të evakuohen.
Sipas raportimeve të BBC, shumë rrugë në jug të qytetit nuk janë të kalueshme për shkak të zjarreve.
