Një tjetër zjarr në Greqi ka kërcënuar jetën e dhjetëra personave. Një traget me pasagjerë është përfshirë gjatë natës sapo kishte lënë portin e Pireut me destinacion Chania në Kretë.
Në traget ndodheshin 1016 persona në bord, 875 pasagjerë dhe 141 anëtarë të ekuipazhit. Flakët kanë nisur në një zonë në garazhin e tragetit, ndërsa nuk dihen ende shkaqet e rënies së zjarrit, por autoritet thonë se dyshohet se zjarri mund të ketë ardhur nga një automjet.
Fatmirësisht nga zjarri nuk ka pasur të lënduar, ndërsa rreth 900 pasagjerë janë sistemuar në hotele rreth portit, në pritje për t’u nisur sërish drejt destinacionit.
