Një zjarr i përmasave të konsiderueshme ka përfshirë një sipërfaqe të madhe me kullotë në zonat mes Dervicianit dhe Goranxisë në Dropull të Gjirokastrës.
Raportohet se 2 ha kullotë është djegur, ndërsa flakët kanë prekur edhe rreth 50 pisha.
Ndërkohë dy makina zjarrfikëse kanë shkuar në terren dhe po punojnë për shuarjen e flakëve dhe ndalimin e përhapjes së zjarrit pranë zonave të banuara.
Kujtojmë që zjarret në Dropull kanë qenë një problematikë e përvitshme. Këtë vit përgjatë korrikut në Gjirokastër u regjistruan vetëm 4 vatra zjarri, ndërsa kjo është vatra e dytë e zjarrit në Dropull brenda harkut kohor të një jave.
