Deputetja e PD, Ina Zhupa ka ironizuar ministren e Arsimit Kushi lidhur me Kartën e Studimit. Kjo e fundit, referuar interpelancës së kërkuar nga PD, doli dhe tha në Parlament se qeveria po ofron më shumë shërbime përmes kësaj karte për studentët. Por, Zhupa e përgënjeshtroi deklaratën e Kushit dhe mes ironie tha se me këtë kartë, studentët mund të blejnë vetëm bluza të Noizy-t dhe kufje dyqanesh, por jo shërbime vërtet të nevojshme.
“Në vende të tjera nuk ofrohen të njëjtat gjëra siç ofrohen në Tiranë. Në vend që të ishin produkte që do tu vinë në ndihmë nevojave të studentëve janë bluze të Noizyt, ca kufje nëpër dyqane, nuk janë ato që u kanë kërkuar studentët dhe vlerën që ka karta e studentit”, u shpreh ajo.
Ina Zhupa i kërkon llogari për mbajtjen e zotimeve për ‘Paktin për Universitetin’, duke i thënë se qeveria gënjeu, pasi deri më tani nuk ka asnjë projekt që mund të bëjë kombinimin midis universitet dhe biznesit, prandaj qindra student mbeten të papunë pasi përfundojnë shkollën.
