Në orën 14:00 është mbledhur Komisioni Qëndror i Zgjedhjeve i cili po diskuton për dekretin e Presdentit Ilir Meta lidhur me ç’dekretimin e datës 30 Qershor si datë e zgjedhjeve vednore.
Kryetari i KQZ, në fjalën e tij tha se ky vendim i Metës është detyrues sepse Presidenti është institucioni i rëndësishëm i vendit.
“Mbledhja është thirrurr nga 2 kolegët, ka 3 projektvendime për tu diskutuar. Ju bëj me dije që kemi dekretin e presidentit të republikës. Dekreti ne KQZ për të njoftuar subjektet zgjedhore me këtë akt. Situatë e pazakontë, si një lloj sfide. Nga njëra anë dekreti i presidentit dhe nga ana tjetër një mbledhje për rendin e dites të përcaktuar nga 2 kolegët. Në zgjedhjet e 2017 ka ndodhur e njëjta gjë. KQZ duhet ti bindemi dekretit, këtë bëm dhe kur u vendos për daten e zgjedhjeve. Unë besoj se ka një hierarki ligjore por e theksoj se mua personalisht nuk më ka ndodhur ndonjëherë që presidenti të marrë një vendim të tillë. Në gjykimin tim janë në të drejtën e tyre, por nuk dua të futem në debatin nëse janë apo jo në të drejtën e tyre. Nuk dua të gjykoj dekretin e Presdientit, ka organe të tjera si gjykata Kushtetuese që e bën këtë gjë. Por mua si drejtuues i KQZ-së është detyrues si përfaqësues të prosecit zgjedhor”, tha Zguri.
Në përfundim të fjalës së tij, Zguri braktisi mbledhjen e KQZ.
