Prania e votave të deklaruara të pavlefshme ishte një nga fenomenet më të prekshme në zgjedhjet e 30 qershorit. Rekordin e mban Tirana, ku sipas të dhënave të KQZ janë mbi 13 000 votat që për arsye të ndryshme janë deklaruar si të tilla.
Vota të tilla ka patur në çdo qytet. Në Lezhë, përshembull, pati 1269 të tilla, në Vlorë 1854, në Durrës mbi 3000. Fieri dhe Korça nuk mbeten pas, me 2302 dhe 1912 të tilla.
Vijojnë Kukësi me 880, Maliq 847, Krujë 748, Gjirokastra me 660, Delvina 595, Përmeti me 515.
