Procesi i zgjedhjeve në degën e Partisë Demokratike në Malësinë e Madhe është ndërprerë per shkak te një incidenti ku kutia e votimit është thyer.
Kandidatët pretendojnë për fryrje të listave dhe votim masiv pa qenë anëtarë të Partisë Demokratike, duke ngritur akuza për votim edhe nga pjesëtarë të administratës së Bashkisë Malësi e Madhe.
Më herët PD njoftoi se do të merrte në verifikim të gjitha pretendimet lidhur me ankesat e kandidatëve në garë. Për kreun e PD në Malësinë e Madhe garojnë Fredi Sterkaj, Isa Rama dhe Mimoza Rexhvelaj.
E njëjta gjë ka ndodhur edhe ditën e dielë në Bulqizë ku edhe pse po mbaheshin ende votimet, kandidatët nuk kanë rënë dakord me listën e anëtarëve të PD të cilët kishin të drejtën e votës. Si pasojë e këtyre ankesave, Komisioni i Rithemelimit, njoftoi se zgjedhjet në Bulqizë do të mbaheshin të martën në mënyrë që të zgjidheshin mosmarrëveshjet mes kandidatëve.
