Plagosje për hakmarrje/ Dalin pamjet nga atentati në Pogradec (Video)

0
215

Kanë dalë pamjet nga atentati në Pogradec, ku mbeti i plagosur Johan Muçollari.  Sikur duket nga pamjet, ngjarja ka ndodhur në një zonë të banuar të qytetit, konkretisht në lagjen “Kalaja”, pasi aty i plagosuri ka shtëpinë dhe hotelin, ku edhe dy vite më parë është bërë një tjetër atentat.

Banorët janë terrorizuar nga të shtënat, ndërsa të gjithë janë në panik pasi ky është një rast i përsëritur dhe kjo zonë po kthehet në një rrezik për familjarët.

Deri më tani policia ka identifikuar dy autorët e plagosjes së djalit të pronarit të një hoteli në Pogradec pasditen e sotme. I riu raportohet se është qëlluar me armë gjatë një konflikti të çastit dhe ka shkuar vetë në spitalin e Pogradecit për mjekim, ku edhe ndodhet gjatë rrezikut për jetën. Ndërsa mësohet se ka marrë plumb në këmbë dhe po merr kujdesin e mjekëve.

Johani ka thënë në spital se u qëllua nga dy persona, dhe sipas policisë autorë të dyshuar të plagosjes janë shtetasit Firdeus Berberi dhe Greisi Maxhari të cilët janë shpallur në kërkim. Fideues është djali i ilir Berberit, i cili dy vite më parë ka pasur një konflikt me babain e Johanit, Jetmir Muçollari.