Koalicioni PDK-AAK-Nisma ka kryesuar në zgjedhjet e parakohshme të Kosovës me 34.66% të votave, ndërsa Vetëvendosja renditet e dyta me 26.75% të votave. Kjo parti ka rreth 4 mijë vota më shumë se koalicioni LDK-AKR-Alternativa që mbetet me 25.81% të votave.
Kryetarja e Komisionit Qëndror Zgjedhor (KQZ), Valdete Daka deklaroi se në zgjedhje kanë votuar 41 për qind ose mbi 759 mijë qytetarë.
Daka u shpreh se procesi ka qenë normal dhe nuk ka patur asnjë parregullsi, ndërsa probleme teknike janë hasur vetëm në veri të vendit.
Faqja zyrtare e Komisionit Qendror të Zgjedhjeve (KQZ), nuk ka funksionuar prej orës 02:00, pasi ka patur pengesa, sigurisht për shkak të ngarkesës së madhe, pasi ishin duke u publikuar online rezultatet e zgjedhjeve të parakohshme parlamentare.
Për rezultatin mediat serbe kanë shkruar se fiton “Krahu i luftës”, duke e quajtur liderin e partisë fituese AAK, Ramush Haradinaj si “terroristi i luftës”.
