Ministri i Brendshëm Sandër Lleshaj ka deklaruar se do të nisë procesi për saktësimin dhe regjistrimin e banesave të qytetarëve. Lleshaj tha se listat e votimit për zgjedhjet e 25 prillit do të lëshohen në bazë të adresës së vjetër
“Qeveria jonë në kuadër të përpjekjes për rindërtimin e shtetit është angazhuar në një sistem adresash. Kur unë mora detyrën e ministrit të Brendshëm shumë qytetarë ishin pa asnjë lloj adrese. Sot të gjithë nuk janë më anonimë por kanë një adresë. Sot askush nuk mund të luajë më si të dojë. Gjatë censusit qytetarët mund të jenë regjistruar në një adresë të vjetër.
Kur ata hyjnë për të parë të dhënat personale mund të konstatojnë të dhëna të ndryshueshme. Kushdo mund ta vërtetojë adresën e përditësuar në E-Albania. Objektivi është që në një kohë të shkurtër të përfundojë regjistrimi i adresave. Elementi i kyç i ndryshimeve është kushtëzimi i shërbimeve publike dhe ju publike me një adresë të saktë. Procesi i përditësimit dhe saktësimit të adresave nuk e prek qendrën e votimit për zgjedhjet e 25 prillit. Organet përgjegjëssë do thellohen që të goditen rastet e falsifikimit. Mediat të distancohet nga lajmet e rreme një lidhje me datën e zgjedhjeve”, tha Lleshaj.
