Sekretarja e Përgjithshme e PDIU-së, Mesila Doda është shprehur e bindur se kjo parti do të përfaqësohet në parlament me 7 deri në 10 deputetë.
Në rubrikën “Opinion” në studion e “News 24″, ajo thotë se PDIU më tepër se një parti, është një familje e madhe e cila mbështetet mbi një çështje të madhe, atë të çështjes çame. Doda tha se kjo parti ka njohur rritje të madhe me të rinj që iu janë bashkuar nga të gjitha trevat e Shqipërisë.
Doda u ndal edhe tek marrëveshja e 18 majit Rama-Basha, duke u shprehur se ajo diskriminoi partitë e vogla.
“PDIU është e qartë me kandidimet, ndërsa disa parti kanë lista të shpartalluara, nuk kanë respektuar kuotat gjinore. Formula që u krijua pas marrëveshjes së “BigMac” ishte mjaft diskriminuese për partitë e vogla, pasi favorizon vetëm partitë e mëdha.”- tha deputetja e PDIU-së.
Doda u bën thirrje qytetarëve shqiptarë të votojnë për të ndryshuar këtë realitet në të cilin po jetojnë prej kohësh. Ajo tha se partitë e mëdha bëjnë fushata politike duke thënë që mos votojnë partitë e tjera dhe jo nëpërmjet një program të mirëfilltë.
“Ka ardhur një kohë që duhet të ndryshohet ky realitet. Forcat e mëdha politike bëjnë fushatë duke thënë mos u jepni votën partive të tjera, unë nuk kam ndërmend ta bëj këtë fushatë.
Nuk është rasti i PDIU-së të bëj fushatë me sharje. Kjo është PDIU, kjo jam unë. Qarqet ku PDIU pretendon janë Elbasan, Fier, VLorë Durrës, Dibër, Korçë, Shkodër e Lezhë. Ne presim një grup parlamentar nga 7 deri në 10 deputetë. Pikat kryesore të prgramit janë çështja kombëtare, çështja çame, ekonomia e koncetruar dhe e bashkuar.
Partitë e mëdha flasin për tepsi, kusi, kunguj e sahana. Ne jemi kilometra larg kësaj mënyre të foluri. Shqiptarët nuk kanë nevojë për këtë. Kanë nevojë për shpresë dhe jo tu flasësh për ëndrra. Gjuha e tillë është e patolerueshme për njerëz që kanë bashkëqeverisur.
Nuk ka asgjë që ata të bashkëqeverisin, por duhet të shikojnë njëherë programet se ku janë pasi i kanë komplet ndryshe nga njëri tjetri. Është thjesht vendimarrja etyre, por të mos merret me kokën e tyre por të merret nga institucionet.”– tha Doda.
