Kryeministri Edi Rama, ka folur për herë të parë, lidhur me zëvendësimin e kandidaturës së Vangjush Dakon në bashkinë e Durrësit.

Në një konferencë për mediat duke folur rreth kandidaturave për zgjedhjet e 30 qershorit, Rama tha se Durrësit kemi vendosur të besojmë te fuqia e gruas në këtë bashki. Rama theksoi se zëvendësimi i Vangjush Dakos ka ardhur me kërkesë të tij.

“Në Durrës kemi vendosur të besojmë te fuqia e gruas. Një zonjë që për rreth 6 vjet ka drejtuar Tatimet e Republikës në zonën e Durrësit dhe për të cilën asnjëherë nuk ka pasur asnjë ankesë e jo më arsye të qenësishme për të vënë në dyshim integritetin. Këtë e vënë në dukje edhe rezultatet e spikatura të asaj drejtorie tatimore. Besoj se do të njihet dhe vlerësohet edhe deri në zonat më periferike të asaj bashkie. Zëvendësimi i Vangjush Dakos ka ardhur me kërkesë të tij.”, tha Rama.