Ministri i Shëndetësisë, Armend Zemaj, po raporton në Komisionin për Shëndetësi dhe Mirëqenie Sociale lidhur me menaxhimin e situatës me Covid-19.
Në fjalën e tij, Zemaj ka dhënë informacione se kur do të furnizohet Kosova me vaksinën kundër COVID-19, ai ka bërë të ditur se cilat kategori do të jenë prioritet për vaksinim.
Ministri është shprehur se përveç vaksinave që u janë premtuar falas, janë duke shikuar edhe për mundësi tjera të furnizimit.
“Kategoritë prioritare janë punëtorët shëndetësorë, të gjithë personat mbi 65 vjeç, personat me sëmundje kronike e respiratorë, personat me sëmundje kronike të zemrës, mushkri se, neurologjike, personat me diabet. Aplikimi zyrtarë nuk do të thotë që nuk po shfrytëzojmë mundësi tjera për vaksina shtesë. Synimi është të vaksinohen kategoritë më të rrezikuara ndaj COVID-19. Ministria e Shëndetësisë po punon në sigurimin e vaksinës COVID-19”, ka shtuar ai.
