Policia italiane ka dënuar 5 shqiptarë, 3 prej tyre vëllezër, të akuzuar për vrasjen e dyfishtë të ndodhur në provincën Canegrate të Milanos.
Sipas hetimeve, dy kushurinjtë bashkëkombas, 29 dhe 36 vjeç u vranë në bordin e një automjeti, pas plumbave të shumtë, duke përfunduar më pas jashtë rruge.
Sipas të përditshmes italiane “Il Giorno”, armiqësia mes grupeve lindi për shkak të kontrollit të territoreve të aktiviteteve të tyre kriminale në trafikun e drogës. Pas një sërë lëvizjesh në qytete të ndryshme të Italisë, Belgjikës dhe Shqipërisë, në tentativë për t’i shpëtuar jo vetëm hetimeve por edhe rregullave të Kanunit, të hetuarit u kapën në Luksemburg, Rumani e Belgjikë, ku ishin vendosur prej kohësh.
