Zaida Çobo, nëna e djalit të dhunuar nga efektivët e policisë pasi theu karantinën, ka reaguar pas takimit me Drejtorin e Policisë së Shtetit Ardi Veliu.
Çobo në një intervistë për “Shqipëria live”, ka deklaruar se Veliu i ka kërkuar disa herë falje për publikimin e videos, sakaq shton se e ke takuar edhe më herët drejtorin e policisë pasi i është ankuar sepse nuk ka fituar një konkurs për t’u bërë pjesë e Policisë së Shtetit.
“E kam takuar edhe më parë Ardi Veliun, pasi kam shkuar kohë më parë të ankohesha se nuk fitova një konkurs për t’u bërë pjesë e Policisë së Shtetit. Do më pëlqente që të isha pjesë e Policisë dhe të punoja me Ardi Veliun”, tha Çobo mes të tjerash.
Sa i përket padisë ajo thekson se nuk e ka tërhequr ende, ndërsa thekson se do ta ndjekë çëshjen e dhunës së djalit deri në fund.
“Ende nuk e kam tërhequr padinë, është akoma çështje pezull. Ndërsa në lidhje me çështjen e djalit që ma dhunuan policët, i kam thënë edhe Ardi Veliut që do e dërgoj deri në fund”, tha ajo më tej.
