Ambasadorja amerikane ka rrëzuar çdo gjasë që lojërat politike të Edi Ramës mund ta rihapin Marrëveshjen e 5 qershorit për të bërë arnime të llojeve të ndryshme që i shkojnë atij sipas fijes.
Yuri Kim tha gjatë një interviste me Sokol Ballën se marrëveshja nuk hapet më. Është e mbyllur. Ajo nuk mund të merret peng. Madje, ajo shton se politikanët duhet ta kuptojnë që nuk mund ta shkelin atë që kanë firmosur, pasi përndryshe humbin besimin.
Natyrisht, humbja e besimit nuk ka lidhje vetëm me shqiptarët që Edi Rama me Taulant Ballën po kërkojnë t’i tërheqin prej hunde me pupacë të së ashtëquajturës “opozitë parlamentare”.
Ambasadorja e SHBA në Tiranë, Yuri Kim shtoi në një intervistë të dhënë mbrëmjen e sotme në Real Story, ka folur dhe për rotacionin e pushtetit.
Sipas saj, kjo gjë është e mirë për vendin.
