Kreu i inspektoratit të punës, Dritan Ylli gjatë një takimi që ka zhvilluar me punonjësit e një call center në Tiranë ka konstatuar se ka një rritje të numrit të punonjësve në Zyrat e Inspektoriatit të Punës që ankimohen dhe më pak ankesa për punonjësit informal.
Ylli: “Kemi një rritje të numrit të atyre punonjësve që vijnë pranë Zyrave të Inspektoratit të Punës për t’u ankimuar! Punonjësit që kanë kërkuar të drejtat e tyre sot kanë përfituar nga ato të drejta dhe në bashkëpunim edhe me punëdhënësin, punonjësit janë sërish në punë.
Sot kemi më pak ankesa për punonjës informal dhe kemi një rritje të ankimimeve. Pra një kërkesë më të madhe që punonjësit kanë për të drejtat e tyre, që kanë të bëjnë me respektimin e kontratës, respektimin e orarit zyrtar, me pagesat ekstra të ditëve të pushimit.”
