Ministri i Brendshëm, Fatmir Xhafaj, i pytur për arrestimin e ish-ministrit Saimir Tahiri është shprehur se Prokuroria nuk ka prova bindëse.
“Prokuroria po krijon precedent të rrezikshëm me Tahirin, po përdoret politikisht. Me aq dokumente që janë bërë publike, nuk ka prova bindëse. Për sa i përket asaj çfarë më pyetët, nëse do më pyesni nga pikëpamja ligjore, ajo çfarë është shkruar nga Prokurorët e Krimeve të Rënda nuk është një gjë që shpreh vullnetin e ligjit, që do të thotë se jemi në rastin kur segmente apo individë të Prokurorisë po përdoren në një çështje të nxehtë. Do të shihni prova dhe vullnete konkrete shumë shpejt”, u shpreh Xhafaj.
