“Sulmet ndaj meje nga ata që nuk duan reformën në drejtësi”
Ministri i ri i Brendshëm, Fatmir Xhafaj ka prezantuar sot objektivat e tij në krye të Ministisë së Brendshme. Gjatë fjalës së mbajtur Xhafaj është shprehur se do të ketë tolerancë zero ndaj punonjësve që shkelin ligjin në krye të detyrës.
“Ka ardhur koha të bëhet edhe vetting-u i policëve. Tolerancë zero ndaj atyre që shkelin ligjin në krye të detyrës së tyre si punonjës të policisë, është shprehur Xhafaj.
Gjithashtu Xhafaj tha se nën drejtimin e tij policia e shtetit do t’i kushtojë një rëndësi të posaçme forcimit të ndërsjelltë të bashkëpunimit me shërbimet informative.
Ndërkaq ai tha që ” ...Prioritet tjetër i punës time si ministër i Brendshëm, do të jetë që çdo veprimtari që do të zhvillohet në kuadër të procesit parazgjedhor dhe zgjedhor të jetë një veprimtari në shërbim të përkryer të zhvillimit të zgjedhjeve në respektim të afateve të parashikuar nga ligji“.
Më tej Xhafaj tha se sulmet ndaj figurës së tij vijnë nga ata që nuk duan reformën në drejtësi.
