Ish-ministri i brendshëm Fatmir Xhafaj ka dalë sot kundër vendimit të marrë nga mazhoranca.
Ai është pozicionuar në krah të opozitës për rregulloren e Kuvendit, duke u shprehur kundër ndryshimeve pasi sipas tij që nga viti 2005 është ndryshuar për tetë herë me radhë.
“Nuk është korrekte dhe normale ndryshimet e shpeshta të funksionimit të Kuvendit të Shqipërisë. Nga 2005 deri me sot rregullorja është ndryshuar 8 herë. Ky proces duhet të jete sa më i kujdesshëm. Ndryshimet e herëpashershme e kanë zbehur rolin e deputetit. Deputet janë shndërruar në kartona…Për fjalën dhe për përfaqësimin e zgjedhjes së tyre dhe në ndikimin që kanë në procesin ligjvënës.
Kjo është gjëja që duhet të na shqetësojë më shumë. Është momenti për të parë se si mund të rikthehen disa ndryshme që rezultuan të dëmshme dhe që e shndërruam legjislativin në një zgjatim të ekzekutivit”, tha Xhafaj.
