Ministrja e Jashtme Olta Xhaçka ka takuar sot ambasadorin e sapoemëruar të Serbisë në Shqipëri. Xhaçka shprehet se dy vendet kanë akoma shumë punë për të bërë për të përmirësuar marrëdhëniet dypalëshe.
Ajo thekson se raporti miqësor mes Serbisë dhe Shqipërisë si dhe njohja reciproke me Kosovën, janë kyçe për ndërtimin e një të ardhme të qëndrueshme dhe të begatë për Ballkanin Perëndimor.
“Mirëprita sot ambasadorin e sapoemëruar të Serbisë në Shqipëri, Aleksandër Vukčević. Shqipëria dhe Serbia kanë bërë një progres mjaft të rëndësishëm duke lënë pas një të shkuar të vështirë. Ne akoma kemi punë për të bërë për të përmirësuar bashkëpunimin dhe marrëdhëniet dypalëshe.
Marrëdhëniet miqësore mes Shqipërisë dhe Serbisë, si dhe njohja e reciproke mes Kosovës dhe Serbisë janë kyçe në ndërtimin e një të ardhme të qëndrueshme dhe të begatë për Ballkanin Perëndimor”, -shkruan Xhaçka
