Presidenti i Serbisë, Aleksandar Vuçiç, ka bërë me dije ditën e sotme se vendi i tij është i vetmi në Europë që s’i ka vendosur sanksione Rusisë dhe u shpreh se për këtë ka presion të madh. Megjithatë, këtë presion ai e lë në vend të dytë, meqë më i ashpri i vjen për çështjen e Kosovës.
Për t’i ndarë shqetësimet, ai është takuar me klerikët ortodoksë serbë për t’i marrë mendimin edhe atyre. Madje, Vuçiç shkoi edhe më larg, duke thënë se vjeshta e këtij viti do të jetë më e vështirë sesa viti 1945 i Luftës së Dytë Botërore.
“Sot se jemi në një situatë specifike për shkak të ngjarjeve në dhe për Kosovën, si dhe se për shkak të presionit më të ashpër. Do të jetë gjithnjë e më e vështirë të ruajmë interesat tona, sepse presionet do të jenë më të ashprat.”
Nga ana tjetër, Vuçiç vajtoi edhe deklaratat e presidentit rus, Vladimir Putin, në lidhje me Kosovën.
“Që nga dita që presidenti rus tha se në çfarë e bazoi pushtimin e tij të Ukrainës në aspektin formal, ligjor dhe politik, të gjitha fuqitë perëndimore kanë punuar në këtë drejtim. Nyja Kosovë po zgjidhet shpejt, me qëllim që të largohet argumenti nga dora e presidentit të Rusisë”.
Ndërkohë, presidenti serb ka bërë me dije se një kohë e vështirë po vjen për serbët, prandaj atyre ju bëri thirrje për unitet.
“Koha më e vështirë po vjen, uniteti do të nevojitet më shumë se kurrë. Serbia është i vetmi vend në Europë që nuk ka vendosur sanksione ndaj Rusisë për momentin dhe për këtë jemi nën presion të madh, që po na shkakton probleme. Këto probleme nuk janë të vogla dhe do të jenë edhe më të mëdha.”
Së fundmi, udhëheqësi i shtetit, që shkaktoi gjenocidin në vendet e rajonit, u ankua për mungesë të paqes.
“Neve na mungon paqja, nuk e kërkojmë për vete, por për gjithë njerëzimin dhe e kërkojmë atë nga Zoti, Serbia është në një situatë shumë më të vështirë se sa duket sot, por retë breshëri po fluturojnë mbi vendin tonë”.
Vuçiç me klerikët biseduan për më shumë se dy orë e gjysmë.
