Presidenti i ri serb Aleksandër Vuçiç ka deklaruar se ai beson se dialogu ndërmjet Prishtinës dhe Beogradit zyrtarisht do të të ngrihet në një tjetër nivel atë presidencial.
Gjatë një interviste për Sputnik, Vuçiç ka folur edhe rreth mundësisë së vendosjes së Ramush Haradinajt kryeminsitër të Kosovës, duke thënë se serbët këtu duhet të “jetojnë me këtë fakt”.
“Shqiptarët më parë filluan të ndryshojnë sjelljen. Çdo gjë filloi të trajtohet si çështje të brendshme dhe për të imponuar këtë ide se ata nuk kanë ndonjë nevojë që të negociojë me Beogradin. E përsëris: Kjo është çështje e Kosovës, ndërsa ne jemi shtet i pavarur. Ne u kemi përgjigjur: E pra, nëse është kështu, po e ndalim negocionin, dhe të shohim se si kjo do të ju funksionojë. Nëse serbët nga Kosova duhet të bashkëpunojnë dhe bisedojnë me të gjithë, mbi të gjitha edhe me Haradinaj, atëherë është shumë e vështirë që Beogradi të ulet në tryezë të bisedojë dhe të jetë i lumtur me dikë që është i ndjekur me urdhër-arrest për krime të rënda”, u shpreh Vuçiç.
