Presidenti i Serbisë, Vuçiç ka paralajmëruar arrestimin e dhjetëra policëve dhe shtetasve serbë dhe sipas tij operacioni i planifikuar pa baza ligjore do të vijë një ditë pas zgjedhjeve që do të mbahen këtë fundjavë në komunat e Mitrovicës Veriore.
“Të hënën pritet të arrestojnë 26 policë nga veriu i Kosovës dhe 15 shtetas të tjerë me pretekstin e pjesëmarrjes në afera korruptive dhe pretendime të tjera të pabaza. Kjo bëhet me qëllim që Mitrovica të mbetet e pambrojtur dhe që ndaj popullit tonë të kryejnë gjërat më të ndyra. Kanë urrejtje për popullin serb, edhe pse gjithmonë thonë se janë vetëm kundër individëve që kryen krime kundër popullit të tyre. Por kur mbetesh vetëm te një stad i caktuar çmendurie dhe verbërie politike, nuk del asgjëkund.” tha ndër të tjera ai.
Vuçiç tha se Serbia i ka kuptuar synimet e Kosovës për ta vënë të gjithë veriun nën kontroll, ndërsa paralajmëroi se përgjigjja do të vijë e përmbajtur por në mbrojtje të popullit serb.
