Prej datës 23 shkurt modelja dhe aktorja shqiptare nga Maqedonia, Adea Shabani rezulton e zhdukur.
Për herë të fundit ajo është parë në afërsi të shtëpisë së të dashurit të saj në “Hollywood”.
Chris Spotz, i dashuri 33-vjeçar modeles u vetëvra sot me armë zjarri pas një ndjekjeje nga forcat e policisë. Spotz po drejtonte një “Toyota Tacoma” të vjedhur dhe u përpoq t’iu largohej efektivëve gjatë një ndjekjeje të gjatë në Los Angeles.
Episodi me të dashurin e Adeas e ka shtyrë tani policinë të besojë se modelja mund të mos jetë gjallë dhe të vihet më së shumti në kërkim të trupit.
