Arsen Muskurti i akuzuar për vrasjen e vëllait dhe kunatës së tij ka ankimuar vendimin e arrestit në burg. Në ankimin e dorëzuar nga avokati, ai kërkon që ai të kryej aktekspertizën e shëndetit mendor dhe për këtë të caktohet masë sigurimi me afat. Më herët Muskurti nëpërmjet mbrojtjes së tij pretendoi se kishte marrë medikamente për shëndetin mendor.
Muskurti ekzekutoi me armë vëllain e tij dhe kunatën, Dritan dhe Nora Muskurti. Ngjarja e rëndë ndodhi pasditen e 30 gushtit në Tiranë. Arsen Muskurti mori armën që e mbante në ambientet e biznesit të tij dhe vrau çiftin e bashkëshortëve brenda ambienteve të biznesi të tyre.
Pasi kreu krimin ai u largua menjëherë nga vendi i ngjarjes dhe u arrestua disa orë më vonë. Shkak për krimin e rëndë dyshohet të jenë bërë konfliktet e hershme që dy vëllezërit kishin për biznesin dhe një borxh që viktima i kërkonte Arsen Muskurtit.
