Ish-ministri i Jashtëm i Greqisë, Theodoros Pangalos ka dalë në krah të policisë shqiptare për rastin e Kostandino Kaçifas, që u vra më 28 tetor në fshatin Bularat nga forcat speciale RENEA.
Në një intervistë për televizionin e Athinës “Skai”, ish-ministri grek u shpreh se kushdo që qëllon policinë, duhet të vritet. Dhe për këtë solli shembullin e policive të vendeve skandinave dhe të Shteteve të Bashkuara të Amerikës. “Kishte armë apo jo? Unë jam i mendimit se kushdo që mban armë duhet të vritet nga policia, siç ndodh në SHBA dhe në vendet skandinave”, tha Pangalos.
Ish-ministri i Jashtëm i Greqisë rrëzoi gjithashtu pretendimet se 35-vjeçari Kaçifas u provokua nga policia për flamurin grek. Kjo pistë nuk është e vërtetë, u shpreh Pangalos. Ai tha se në fshatin Bularat ka parë fotografi të flamujve grekë të vendosur edhe në festën kombëtare të Greqisë më 25 mars, aq sa ish-ministri thotë se është e tepruar.
“Ky djalë shkoi që të vendoste flamujt grekë. Por unë kam parë fotografi në internet të Bularatit edhe më 25 mars dhe rrugët kanë qenë plot me flamuj grekë deri në neveri”, theksoi ish-ministri Pangalos.
“Nuk bëhet politik e jashtme me kush është më i fortë, kush bërtet më shumë. Me një ekonomi të shkatërruar nuk mund ta themi këtë. Greqia duhet të zgjidhë problemet e saj me aleanca me fqinjët e saj. Unë pashë në fotografitë të publikuara se kishte flamuj kudo në fshatra, nuk e kuptoj ketë që thonë se nuk e lejuan të vendosi flamur. Nuk e kuptoj se ca deshti ai (Katsifas) të shkonte nga Greqia të vendoste flamuj aty? Nuk kishte kush ta bënte aty? Unë besoj se kushdo ka armë në dorë duhet të qëllohet. Une nuk jam pro faqezinjve kur hedhin molotov apo sulmojne policine. Nese jeni ju, …”, shprehet ish- ministri.
Kostandino Kaçifas u vra nga forcat speciale RENEA në fshatin Bularat të Gjirokastrës më 28 Tetor, pasi qëlloi me armë dhe nuk pranoi të dorëzohej.
