Ministri i Jashtëm iranian është shprehur se armiku i Iranit, Izraeli ka të ngjarë të ketë qenë i përfshirë në vrasjen e shkencëtarit të shquar iranian Mohsen Fakhrizadeh të premten.
Megjithatë, ai nuk paraqiti asnjë provë për deklaratat e bëra në një postim në Twitter.
Terroristët vranë një shkencëtar të shquar iranian sot. Ky akt prej frikacakësh, me indikacione serioze të rolit izraelit, tregon dëshpërimin për luftë të autorëve,” shkroi Mohammad Javad Zarif në Twitter.
“Irani i bën thirrje komunitetit ndërkombëtar – dhe veçanërisht BE – që t’i japin fund standardeve të tyre të dyfishta të turpshme dhe të dënojnë këtë akt të terrorit shtetëror.”
Zyra e Kryeministrit izraelit Benjamin Netanyahu nuk e ka komentuar ende vrasjen e shkencëtarit, tha një zyrtar nga zyra e Netanyahut. Pentagoni gjithashtu nuk pranoi të komentojë.
