Tre dyshohet se kanë qenë autorët e atentatit që tronditi mëngjesin e sotëm Vlorë. Burime paraprake bëjnë me dije se dy viktimat që janë qëlluar nga një makinë në ecje me breshëri armë nuk janë nxjerrë ende nga makina tip “Ford” me të cilën ishin duke udhëtuar autostradë.
Makina është bërë shoshë nga plumbat, duke shtuar kështu dyshimet se kemi të bëjmë me një atentat të mirëorganizuar pasi autorët nuk u kanë lënë viktimave asnjë mundësi shpëtimi.
Një tjetër person ka mbetur i plagosur i cili dyshohet gjithashtu të ketë qenë në makinën tip “ford” me të cilën po udhëtonin viktimat.
Ngjarja ka ndodhur në fshatin Panaja, mëngjesin e sotme, ndërsa autorët dyshohet se kanë djegur mjetin e krimit në fshatin Frakull të Fierit, për të humbur gjurmët.
Paraprakisht dyshohet se kemi të bëjmë më një atentat mafioz, ndërsa policia po punon për të identifikuar viktimat dhe autorët.
Kjo është vrasja e tretë e ndodhur brenda 24 orëve në vend ku dy u shënuan ditën e djeshme në Sarandë dhe në Elbasan.
