Pas ekzekutimit të Ravik Gurrës mbrëmjen e së premtes, Dhoma e Avokatisë në Elbasan në shenjë protestë do bllokojë për tre ditë të gjitha çështjet gjyqësore.
Ndërsa menjëherë pas atentatit ndaj 50-vjeçarit, Dhoma e Avokatisë kërkoi që autorët e vrasjes të vihen para drejtësisë.
Gurra, i njohur për mbrojtjen e tij në proceset ndaj Emiljano Shullazit apo fisit Çapja, u vra me armë zjarri në qendër të qytetit të Elbasanit rreth orës 19:30 minuta të së premtes (22 mars).
Sipas dëshmitarëve autori u largua menjëherë i ndihmuar edhe nga një bashkëpunëtor. Dëshmitarët në vendin e ngjarjes thanë se avokati Gurra ka ndërruar jetë menjëherë për shkak të plagëve të marra.
