Tre persona kanë rënë në prangat e policisë së Vlorës pasi akuzohen për vrasjen e 50-vjeçarit Stavri Mino gjatë një konflikti dje në zonën e Plazhit të Vjetër.
Bëhet fjalë për shtetasit Astrit Hameti 48 vjeç, Nusret Hoda, 57 vjeç dhe Agron Hameti, 56 vjeç, të tre banues në Vlorë.
Sipas policisë këta persona kanë goditur me levë Minon gjatë një konflikti dhe ky i fundit ka ndërruar jetë në vend. Dyshohet se konflikti me apasoja fatale ka ndodhur për motive të dobëta.
Vlorë/ Njoftimi i policisë:
Policia ka arrestuar në flagrancë për veprën penale “Vrasje me dashje” kryer në bashkëpunim të shtetasve: A.H., 48 vjeç, banues në Vlorë, N.H., 57 vjeç, banues në Vlorë, A.H., 56 vjeç, banues në Vlorë.
Këta shtetas në bashkëpunim me njëri-tjetrin në lagjen “1 Maji”, gjatë një konflikti për motive të dobëta kanë goditur fizikisht shtetasin S.M., 56 vjeç, për pasojë ka gjetur vdekjen.
Materialet iu referuan Prokurorisë në ngarkim të tyre për veprime të mëtejshme.
