Komisioni Qendror i Zgjedhjeve, ka bërë me dije se votimi elektronik do të zbatohet edhe në zgjedhjet e 6 Marsit. Zbatimin e projektit pilot për procesin e votimit dhe numërimit elektronik në zgjedhje e pjesshme lokale të 6 marsit do të zbatohet vetëm në Bashkinë Vorë. Ky ishte vendimi i marrë ditën e sotme në mbledhjen e KQZ.
“Caktimi i bashkisë Vorë ku do të zbatohet projekti pilot i votimit dhe numërimit t elektronik të votave. Projekti pilot i votimit dhe numërimit të votave u zbatua për herë të parë në 25 prill në ZAZ numër 40 qarku Tiranë. E njëjta procedura do zbatohet në bashkinë Vorë të qarkut Tiranë për zgjedhjet e pjesshme vendore në 6 bashki me 6 mars” – u tha në mbledhje.
