Ish-deputetja e Partisë Demokratike, Albana Vokshi, ka postuar një video në rrjetet sociale ku shihen policët teksa kanë bllokuar bar “Epirin” për të penguar çdo komunikim me qytetarët në mbrojtje të Teatrit Kombëtar.
“Ndërkohë që kriminelët janë të lirë, prona private bllokohet dhe Ansambli i Teatrit Kombëtar rrethohet nga forca të shumta policie dhe forca të ndërhyrjes “Shqiponja”, shkruan Vokshi.
Mesazhi i plotë
CMENDURI!! POLICIA BLLOKON PRONËN PRIVATE PËR TË PENGUAR QYTETARËT T’I BASHKOHEN PROTESTËS!!
Ky është Bar Epiri që policë të devotshëm të Edi Ramës e kanë zaptuar për të penguar cdo komunikim me qytetarët në mbrojtje të Teatrit Kombëtar.
Prona private mund të bllokohet dhe mbyllet nga policia vetëm nëse është skenë krimi apo nëse është në ndjekje të një autori të veprës penale.
Ndërkohë që kriminelët janë të lirë, prona private bllokohet dhe Ansambli i Teatrit Kombëtar rrethohet nga forca të shumta policie dhe forca të ndërhyrjes shqiponja.
Këta policë sot e kanë vulosur shkarkimin nga puna dhe do përgjigjen për cdo shkelje ligji apo dhunë ushtruar ndaj qytetarëve ose artistëve.
Teatri Kombëtar është streha e fundit e lirisë dhe e demokracisë.
O Sot O Kurrë!!
Edi Rama #MosGuxoMeTeatrin
